Misaulog na usab sa laing dako nga kalampusan ang sikat nga P-pop group nga BINI human sila nakasgmit og upat ka prestihiyosong pasidungog sa Jupiter Music Awards 2026.
Giila ang gitawag nga “Nation’s Girl Group” isip Female Group of the Year ug Most Influential Southeast Asian Artiste – Female. Gawas sa maong mga pasidungog, nakuha usab sa ilang extended play (EP) nga “Signals” ang Album of the Year, samtang ang ilang hit nga kanta nga “Blush” maoy napiling Song of the Year.
Nagpaabot og dako nga pahalipay ang ilang music label nga Star Music, diin ilang gidayeg ang talagsaong talento ug dedikasyon sa walo ka miyembro sa grupo nga padayong nag-isa sa musikang Pilipino ngadto sa global nga entablado.
Ang Jupiter Music Awards, nga gisugdan niadtong 2024 ug giorganisa sa Asian Television Awards, naghatag og pasidungog sa labing sikat nga mga mag-aawit sa tibuok rehiyon. Human sa malampuson nilang pagtapos sa ilang “Signals” tour sa Sugbo, nangandam na usab karon ang BINI alang sa North American leg sa ilang concert tour karong umaabot nga Agosto.