Sa pagsaulog sa Undas 2025 magpakatag ang Bureau of Fire Protection (BFP) Malaybalay og mga personahe sa tanang pampublikong sementeryo sa dakbayan aron masiguro ang kaluwasan ug kahapsay sa mga magbisita.
Sa eksclusibong pakighinabi sa Bombo Radyo Malaybalay kay F02 Ralph Mark Portillas sa BFP Malaybalay nga sugdan ang pagdeploy sa mga bombero sa Oktubre 31 ug molungtad hangtod sa Nobyembre 2, alas 7 sa gabii.
Lakip sa rason sa pagdeploy sa mga personahe sa sementeryo aron adunay roving inspection ug standby assistance aron dali makaresponde kung adunay emerhensiya.
Bisan pa man ubos ang kaso sa sunog sa siyudad karong tuiga nagpabilin gihapon nga alerto ang buhatan ilabi na sa panahon sa Undas tungod sa daghang tawo nga magtapok sa mga sementeryo ug sa paggamit sa mga kandila.
Gipahimangnoan sa BFP ang publiko nga magmatngon sa paggamit sa kandila ingon man pagcheck sa panimalay kung adunay mga daot nga posibling maka sunog.