Gikumpirma na sa Anti-Money Laundering Council ang 18 ka bank transactions nga anaa sa affidavit ni kanhing Senador Antonio Trillanes IV human kini giberipika sa pagdungog.
Sumala sa ahensya, ang maong mga transaksyon kabahin sa mga dokumentong gisumite ni Trillanes ug random nga gipili alang sa pagsusi ni Rep.Leila de Lima.
Gikumpirma usab ni AMLC Executive Director Ronnel Buenaventura nga tukma kini sa opisyal nga records sa konseho.
Sa affidavit ni Trillanes nga adunay mga dokumento nga nagpakita sa giingong pagpasulod sa milyon-milyong piso sa mga bank account ni VP Sara Duterte ug pipila ka miyembro sa iyang pamilya gikan 2011 hangtod 2013.
Lakip niini ang giingong 22.3 milyon pesos nga nadawat gikan sa usa ka indibidwal nga nailhan nga si Samuel Sammy Uy, nga giingong nalambigit sa ilegal nga droga.
Gipasiugda ni Trillanes nga ang maong mga impormasyon mahimong basihan sa mga kaso sama sa betrayal of public trust, graft and corruption, ug uban pang seryosong krimen ubos sa Konstitusyon.