Paslak pag-usab sa bilanguan ang usa ka lalaki nga kaniadto nadakpan tungod sa illegal nga droga human masikop pag-usab sa mga operatiba sa CDEU-Malaybalay atol sa drug buy-bust operation pasado alas 11:30 sa gabii, Pebrero 19, 2026 sa Purok-20, Barangay Casisang, Malaybalay City, Bukidnon.
Giila ang ang dinakpan nga si alyas Jemuel, 34 anyos, fish vendor, adunay live-in partner ug residente sa Purok-5, Barangay 9 ning syudad. Sumala sa report, napalitan ang suspek og usa ka sachet sa gituohang shabu nga nagkantidad ug P500.
Nasakmit usab gikan sa posisyon niini ang usa ka pouch nga adunay sulod nga duha ka sachet sa gituohang shabu nga gibana-banaang motimbang ug 3 gramos, nga adunay estimated drug price nga P20,400, buy-bust money ug usa ka cellphone.
Sa pagkakaron, gibalik na sa Malaybalay City Detention Facility ang suspek samtang giandam na ang pagpasaka sa kaso batok niini sa tungod sa paglapas sa Republic Act 9165 o Comprehensive Dangerous Drugs Act of 2002.