Gipatin-awa sa Armed Forces of the Philippines (AFP) ang mga hungihong nga possibleng adunay sundalong hitman nga giingong gi-hire ni VP Sara Duterte.
Ang maong espekulasyon migawas atol sa hearing sa House Justice Committee, diin gihisgutan ang naunang hulga ni VP Sara Duterte batok nila President Ferdinand Marcos Jr., Liza Marcos, ug Martin Romualdez.
Sumala sa National Bureau of Investigation (NBI), adunay posibilidad nga nakig-istorya gayud si Duterte og usa ka hitman gikan sa iyang security detail, nga kaniadto gilangkuban sa aktibo ug retiradong mga sundalo.
Apan sa bahin sa kasundaluhan, giklaro nga ang maong alegasyon wala nagrepresentar sa tibuok hanay sa militar.
Gihangyo usab sa kasundaluhan ang publiko nga likayan ang pagpakaylap og mga espekulasyon samtang wala pa’y pinal nga resulta ang imbestigasyon sa NBI.
Gipasiugda sa militar nga nagpabiling propesyonal ug matinumanon sa chain of command ang ilang mga miyembro.
Hinumduman usab nga gibuwag sa AFP ang Vice Presidential Security and Protection Group niadtong miaging tuig.