Target karon sa Kongreso ug Senado nga mapasar ang Anti-Political Dynasty Bill sa sunod bulan. Apan nagpabiling hagit ang pag-ila kon kinsa nga mga paryente ang angay idili sa pagdagan.
Matud ni Representative Adiong, mas “realistic” nga i-ban ang mga paryente hangtod sa second degree of consanguinity (ginikanan, anak, ug igsoon). Kon i-apil ang fourth degree (mga ig-agaw, tito, ug tita), malisdan na ang Comelec sa pag-monitor niini.
Gawas sa limitasyon sa kaparyentihan, tun-an usab ang mga lagda sa Comelec kon kinsa ang angay i-disqualify kon dungan nga mag-file og kandidatura ang managpamilya. Nakig-alayon na si Senadora Risa Hontiveros aron i-align ang mga bersyon sa balaod gikan sa Senado ug Kamara.
Aron makuha ang opinyon sa publiko, mopahigayon og konsultasyon ang Kongreso sa Cebu (Feb. 19) ug Cagayan de Oro (Feb. 20), sa dili pa kini isaka sa plenaryo karong Marso.