Gikumpirma sa National Bureau of Investigation (NBI) nga ang video sa giingong pamahayag ni Vice President Sara Duterte nga adunay hulga batok kang Pangulong Ferdinand Marcos Jr. nga tinuod ug na-authenticated pinaagi sa ilang forensic examination.
Sumala sa NBI official John Mark Calilong, ang maong video miagi sa “science-based examination” aron masiguro nga wala kini gi-edit, gi-manipulate, o gi-cut.
Giila kini isip posibleng kaso nga inciting to sedition ug grave threat.
Isip kabahin sa imbestigasyon, nakig-coordinate ang NBI sa Meta (Facebook) aron mapreserba ang link sa video nga gikan sa press conference niadtong November 23, 2024.
Naggamit usab sila og digital verification sama sa hash value o “fingerprinting” aron masiguro ang integridad sa file.
Sa gipakita nga mga video clips sa House Committee on Justice hearing, nadungog ang lain-laing pamahayag ni VP Duterte nga giingong adunay hulga ug pagpanghulga, lakip ang mga komentaryo batok sa Presidente, sa iyang pamilya, ug sa liderato sa nasud.
Sumala sa NBI nga ang mga sulod sa video mao ang basehan sa ilang karon nga legal nga assessment samtang padayon pa ang imbestigasyon sa kaso.