Usa ka bag-ong dakong hagit ang giatubang sa Pinay tennis star nga si Alex Eala human siya makaabante sa Round of 32 sa Cincinnati Open, diin iyang makasangka ang World No. 10 nga si Amanda Anisimova gikan sa Estados Unidos.
Nakuha ni Eala ang iyang luna sa maong round matapos magmadaugon batok sa Romanian player nga si Elena-Gabriela Ruse (6-1, 3-0) sa dihang miatras ang iyang kontra sa tunga-tunga sa duwa. Sa pikas bahin, nakasulod usab ang American star nga si Anisimova matapos gipilde si Zeynep Sonmez sa score nga 6-2, 6-3.
Nagsilbing laing importanteng pagsuway kini alang sa 21-anyos nga Filipina ace nga padayong nagpakita og maayong porma sa iyang kampanya sa Amerika matapos magkampeon sa DC Open ug makaabot sa Round of 16 sa Toronto. Bitbit usab ni Eala ang iyang bag-ong career-high nga World No. 18 sa WTA live rankings sa iyang pag-atubang sa maong sangka karong Lunes sa gabii (oras sa Pilipinas).