Human gideklarar nga certified urgent ni Presidente Ferdinand Marcos Jr., gipaabot nga daling maaprobahan sa Senado sa sunod semana ang balaodnon nga maghatag og emergency power sa ehekutibo aron temporaryong suspensuhon o pakunhuran ang excise tax sa mga produktong petrolyo.
Ang gipadali nga balaodnon maoy direktang tubag sa gobyerno aron mamenosan ang epekto sa padayong pagsaka sa presyo sa lana tungod sa nagkagrabeng tensyon sa Middle East.
Matud ni Senate President Vicente Sotto III ug Senate Majority Leader Juan Miguel Zubiri, ang nasangpit nga lakang mao karon ang nag-una nga prayoridad sa Upper House, hinungdan nga siguroon nga dali kining mapasar.
Gumikan adunay bendisyon sa Palasyo sa maong urgent bill, ang balaodnon awtomatik nga wala’y labot sa 3-day rule ang lehislasyon.
Buot ipasabot nga legal nga ma-introduce ug maaprobahan sa mga Senador ang balaodnon sa ikaduha ug ikatulo nga pagbasa sulod lamang sa usa ka adlaw.
Sa kabahin sa komite, si Senate Committee on Ways and Means Chairperson Sen. Pia Cayetano, nipahibalo nga ang maong balaodnon napasar sa prinsipyo sa lebel niini.
Sa pagkakaron, nagpaabot na lamang ang Senado sa umaabot nga bersyon sa House of Representatives aron hingpit na kining tukion ug botaran sa plenaryo sa Senado.