Karl Eldrew Yulo, miabante na sa floor exercise finals sa Gymnastics World Cup

Nakaabante na si Karl Eldrew Yulo sa floor exercise finals sa Gymnastics World Cup.

Nakatala si Yulo og iskor nga 13,666 aron makasulod sa top 8 sa qualification round sa torneyo nga gipahigayon sa Turkiye.

Samtang gidominar nii Rayderley Zapata sa Spain ang torneyo nga gisundan ni Anze Hribar sa Slovenia.

Kahinumdoman nga sa miaging semana, ang batan-ong si Yulo nakahuman sa ikaunom nga pwesto sa serye sa World Cup nga gipahigayon sa Azerbaijan.

Ang 18-anyos nga si Eldrew, mao ang manghud sa two-time Olympic gold medalist nga si Carlos Yulo nga mosalmot usab sa tanang unom ka apparatus sa FIG World Cup sa Turkiye.