Nakahimo og bag-ong record si Miami Heat Center/Forward player Bam Adebayo human nakakuha og 83 puntos nga miresulta sa kadaogan sa Miami Heat sa 150–129 batok sa Washington Wizards sa dula sa National Basketball Association sa milabay nga adlaw.
Ang maong talagsaong performance nahimong ikaduhang pinakataas nga puntos nga nahimo sa usa ka dula sa kasaysayan sa NBA.
Milabaw sa 81 puntos nga rekord ni Kobe Bryant kaniadtong 2006 ug sunod lamang sa 100 puntos nga nahimo ni Wilt Chamberlain kaniadtong 1962.
Gawas sa 83 ka puntos niini, nakatala usab si Adebayo og 9 ka rebounds ug 3 ka assists, samtang nakarekord og bag-ong NBA mark human makasulod og 36 ka free throws gikan sa 43 ka attempts, nga maoy pinakadaghan sa usa ka dula.
Init ang pagsugod human makakuha og 31 ka puntos sa unang quarter, misaka sa 43 ka puntos sa halftime, ug 62 puntos sa katapusan sa ikatulong quarter sa wala pa mahuman ang dula.
Ang talagsaong performance ni Adebayo karon giila isip nga usa sa pinakamaayong indibidwal scoring performance sa kasaysayan sa NBA.