70 ka gas station, giimbestigahan sa DOE alang sa sayo nga pagpasaka sa presyo sa lana

Mokabat sa 70 ka mga gas station ang giimbestigahan sa Department of Energy (DOE)  tungod sa pasangil nga pagpahimulos sa epekto sa gubat sa Middle East pinaagi sa sayo nga pagpatuman sa umento sa presyo.

Matod ni Energy Secretary Sharon Garin, ang maong ihap partial pa lamang ug dako ang posibilidad nga madugangan pa samtang nagpadayon ang pag-inspeksyon sa DOE sa nagkadaiyang dapit sa nasud.

Namatikdan ang kalit nga pagsaka sa presyo sa lana niining mga kumpaniyaha bisan wala pa ang gitakdang petsa sa pagpatuman sa price hike.

Tungod niini, nameligro nga ipasira ang maong mga gas station o hingpit nga makansela ang ilang mga permit aron dili na makabalik sa operasyon.