Kapin sa 1,000 ka Japanese military personnel ang gilauman nga moapil sa nakatakdang Balikatan Exercises karong tuiga.
Sumala kang Rommel Cordova, Deputy Chief of Staff for Plans sa Armed Forces of the Philippines (AFP), ang simulation karong tuiga usa sa pinakadako nga military exercises sa kasaysayan sa Balikatan, diin dili lamang ang mga pwersa sa Pilipinas ug sa United States ang mag-unang moapil sa tibuok nga pagbansay.
Gawas sa mga sundalong Hapon, moapil usab ang gatusan ka military personnel gikan sa Australia, Canada, New Zealand ug France.
Gisapayan usab ang pag-apil sa hangtod 18 pa ka nasod ubos sa Balikatan International Observers Program.
Sa pagkakaron, padayon pa ang mga preparasyon alang sa maong military simulation nga gikatakdang ipahigayon gikan Abril hangtod Mayo 2026.
Kung balikan ang Balikatan Exercises sa 2025, mokabat sa 14,000 ka sundalo gikan sa Pilipinas, US, Australia ug Japan ang miapil sa nagkadaiyang serye sa pagbansay, ug ang uban kanila nagsilbi lamang isip observers.
Kini usab ang unang higayon nga moapil ang Japan sa dako nga simulation human mapirmahan ang Reciprocal Access Agreement (RAA) nga nagtugot sa mas lawom nga military cooperation tali sa Japan ug Pilipinas.