Nadakpan ang usa ka regional target sa illegal nga droga sa gipahigayon nga search warrant operation sa Purok 1, Barangay Bangahan, Pangantucan, Bukidnon pasado alas 6:05 sa buntag kagahapong adlawa. Sa maong operasyon nasikop si alias Jonny, 41 anyos, mag-uuma ug residente sa maong lugar.
Sa paghalughog sa balay sa suspek pinasikad sa search warrant, nasakmit ang 10 ka dagkong sachet sa gituohang shabu nga adunay gibug-aton nga 65.8 gramos d nga mokabat sa P447,440, lakip ang timbangan, sunglass case ug ubang drug paraphernalia.
Giangkon sa suspek nga migamit ug namaligya siya og shabu sukad sa pagkamatay sa iyang asawa, bisan pa man sa pagbadlong sa iyang 12 anyos nga kamagulang anak.
Gidala ang suspek sa Pangantucan Municipal Police Stationalang sa hustong disposasyon, samtang nabiyaan ang iyang tulo ka menor de edad nga anak.