Giinsistir ni Vice President Sara Duterte nga dili siya ang nangunang problema sa nasud bisan pa sa daghang batikos ug isyu nga giatubang.
Gipadayag niini nga mas daghang mas importante nga mga isyu ang angay hatagan og pagtagad sama sa korapsyon, kakabus, kriminalidad, illegal nga droga, ug kagutom, nga kini mao ang tinuod nga naghatag og dako nga epekto sa kinabuhi sa mga Pilipino.
Gibati usab ni VP Duterte, ang kabalaka niini nga siya ang nahimong sentro sa atensyon sa pipila ka grupo ug personalidad sa politika, imbes nga kinahanglan ang focus sa gobyerno ug sa katawhan nakatutok sa mas lapad ug kritikal nga mga problema sa nasud.
Matud pa niini, siya ang problema sa Makabayan Bloc, administrasyon ni Presidente Ferdinand Marcos Jr., First Lady Liza Marcos, lakip na sa mga anak sa Presidente.
Giila niini, nga ang mga isyu nga naghatag og kalisod sa ordinaryong Pilipino kinahanglan masolusyunan pinaagi sa seryoso ug kolektibong aksyon sa gobyerno.
Gikwestyon usab niini ang pagfocus sa kasamtangang administrasyon sa impeachment batok kaniya taliwala san kadaghan sa isyu nga giatubang sa nasud.