Duha ka tigpayuhot sa illegal na droga, sikop sa buy-bust operation sa Libona, Bukidnon

Sikop ang duha ka tigpayuhot sa illegal na droga human sa buy-bust operation nga gipahigayon sa kapulisan sa Zone 4, Barangay Kiliog, Libona, Bukidnon kagahapong adlawa, alas 12:42 sa kaadlawon.

Matod sa otoridad ang nadakpan mao sila alias “Bedoc,” 35 anyos, ug usa ka 33 anyos nga babaye.  Narekober sa operasyon ang tulo ka sachet sa gidudahang shabu nga may gibug-aton nga 0.3 gram ug gibanabanang kantidad sa P2,040, lakip ang P2,000 buy-bust money, usa ka cellphone, yawe sa motorsiklo, steel bolt, ug usa ka motosiklo nga walay plaka.

Ang mga suspek karon anaa sa kustodiya sa Libona MPS alang sa hustong disposasyon.