Gipasalig ni House Justice Committee Chair Rep. Gerville Luistro nga hugot nga sundon sa komite ang husto nga proseso sa pagdumala sa impeachment case batok kang Vice President Sara Duterte.
Sa pag-abli sa deliberasyon, gipunting ni Luistro nga ang Konstitusyon maoy mahimong nag-unang giya sa komite ug ang tanang lakang pagahimoon uban ang integridad ug pag-amping.
Matod ni Luistro, wala pa mapamatud-i sa Korte Suprema ang mga alegasyon batok sa Ikaduhang Pangulo, busa importante nga mag-agi sa pagsusi ug lawom nga pagrepaso ang mga reklamo.
Gidugang pa sa mambabalaod, nga dili angay himuon nga sukdanan ang gidaghanon sa shares ug likes sa social media, kondili seryosong paghisgot base sa ebidensya ug sa mga lagda sa balaod.
Pinaagi niini nga pahayag, gipakalma ni Luistro ang kabalaka sa pipila ka miyembro sa komite kabahin sa posibleng pagpabor sa proseso, dugang pa nga ang impeachment proceedings pagabuhaton sa patas ug subay sa gitakdang mga patakaran.