Nagbahad og kabalaka si kanhi Senate President Vicente ‘Tito’ Sotto III kalabot sa mga posibleng “loopholes” sa giduso nga Anti-Political Dynasty Bill, ilabi na sa bahin sa mga extramarital partners ug ilang mga kabanay.
Gikuwestiyon ni Sotto kon sakop ba sa maong balaod ang mga karelasyon sa usa ka opisyal bisan pa kon wala kini makasal sa balaod.
Isip tubag, gipasalig ni Senador Risa Hontiveros, ang chairman sa Committee on Electoral Reforms, nga lakip kini sa gidili ubos sa maong balaodnon.
Matod ni Hontiveros, ang Commission on Elections (COMELEC) ang adunay gahom sa pagdesisyon kon aduna bay kamatuoran ang relasyon tali sa usa ka kandidato ug sa usa ka naglingkod nga opisyal.
Gidugang pa sa senadora nga mahimong ma-void o mabasura ang Certificate of Candidacy (COC) sa usa ka aplikante kon mapamatud-an ang koneksyon niini sa usa ka political dynasty.
Giklaro usab niini nga galing mahibaloan lamang ang maong kalambigitan human na sa eleksyon, mahimo gihapon kining pasakaan og quo warranto petition aron matangtang sa pwesto.