Nag-alanganin karon ang mga sports coordinator sa Bukidnon gumikan sa kantidad nga gigahin alang sa operation sa paghost sa Northern Mindanao Regional Athletic Association.
Sa exklusibong pakighinabi sa Bombo Radyo Malaybalay kay Ariel Montecalbo, ang DepEd Sports Coordinator, gibutyag niini nga hagit kini alang kanila gumikan kung itandi sa miagi nga paghost sa Misamis Occidental diin adunay gigahin nga P150 milyon.
Matud niini, Agosto sa miaging tuig pa lamang gisugdan na og preparar ang pagplano sa budget alang sa diin adunay gipropose nga P98 milyon apan P48 milyon lamang ang giaprobahan sa Provincial Government sa lalawigan alang sa budget sa operasyon sa NMRAA.
Giklaro ni Montecalbo, nga sa P48 milyon ang P18 milyon niini gikan sa mga munisipalidad ug syudad, aduna usab insiyal nga P400,000 gikan sa Senado, ug gilaoman nga aduna pay dugang pinasyal nga tabang.Â