Hapit na mahuman ang pagpangandam sa lalawigan sa Bukidnom alang sa pag-host sa Northern Mindanao Regional Athletic Association (NMRAA) human kini gikumpirma ni Jun Cruz, ang Provincial Chair for the Events Committee, nga anaa na sa 95% nga kumpleto ang mga gikinahanglang imprastraktura.
Gibutyag niini nga hugot ang ilang pakig-alayon sa Technical Working Group (TWG) ug nagkadaiyang sub-committees matag semana aron daling ma-resolba ang bisan unsang hagit sa preparasyon. Saysay pa niini andam na ang mga tunghaan nga magsilbing billeting quarters sa mga atleta diin gidugangan ang mga banyo ug gipahimutang ang mga feeding stations. Na-rectify na usab sa contractor ang mga problema sa swimming pool, lakip na ang diving board ug lanes aron masiguro nga magamit kini sa kompetisyon.
Ang Bukidnon Sports Complex mao ang mamahimong main venue diin ipahigayon ang athletics, volleyball, basketball, gymnastics ug boxing. Samtang, ang ubang mga dula gikatakda usab nga dulaon sa mga lungsod sa Quezon ug Valencia.
Aron masiguro ang kalampusan sa maong dakong kalihokan, naggahin ang mga probinsya Northern Mindanao og budget alang sa maong event gawas pa sa dugang nga suporta gikan sa mga lokal nga kagamhanan (LGUs) sa matag munisipyo