- Advertisement -
Sugdan na sa House Committee on Justice sa Marso 2 hangtod 4 ang pagdungog sa upat ka impeachment complaint batok kang Vice President Sara Duterte.
Gikumpirma kini ni Batangas Rep. Gerville “Jinky Bitrics” Luistro, diin iyang gipasabot nga unahon sa komite ang pagtino kon sakto ba sa porma ug sulod (form and substance) ang maong mga reklamo. Sumala ni Luistro, dungan nga hisgotan ang upat ka reklamo sa usa ka proseso aron masiguro nga dili malangan ang dagan sa impeachment.
Kon mapamatud-an nga sakto ang porma ug sulod sa mga reklamo, hatagan og 10 ka adlaw ang Bise Presidente aron makasumite sa iyang tubag sa dili pa ipadayon ang pagdeterminar kon duna ba’y probable cause ang mga pasangil.
- Advertisement -