Gibutyag sa 18 ka kanhing miyembro sa Philippine Marines ang giingong paghatod nila og ₱805 bilyon nga cash ngadto kang Presidente Ferdinand Marcos Jr. ug kanhi House Speaker Martin Romualdez pinaagi sa gitawag nga “suitcase scheme.”
Sa mga affidavit nga gipresentar ni Atty. Levito “Levi” Baligod atol sa press conference niadtong Pebrero 24, 2026, giingon sa mga kanhing Marines nga sila mismo ang mitabang sa pagdala sa kantidad nga gisulod sa mga maleta ug gisakay sa mga van ug eroplano padulong sa nagkadaiyang lugar. Matud pa nila, nahimo silang kabahin sa operasyon nga naglambigit sa dako kaayong pondo, nga karon ilang gipagawas sa publiko aron ipadayag ang ilang kahibalo sa maong transaksyon.
Sa pagkakaron, wala pa’y opisyal nga tubag ang Malacañang ug ang kampo ni Romualdez bahin sa mga pasangil. Sa nangaging mga hearing, makanunayon nga gipanghimakak ni Romualdez ang susamang alegasyon ug gitawag kini nga “kompletong tumotumo” ug “politically motivated.”