Usa ka lalaki sa lungsod sa Quezon, dakpan sa kasong Malicious Mischief!

Nadakpan ang usa ka lalaki tungod sa kasong Malicious Mischief sa operasyon nga gipahigayon pasado alas 8:30 sa buntag niadtong kagahapog adlawa sa Purok-3, San Jose, Quezon, Bukidnon.

Sumala sa taho ang suspek nga si Giovani Buyoc Legaspe, 50 anyos, minyo ug laborer, gidakop sa mga personahe sa Quezon MPS pinaagi sa Warrant of Arrest nga gipetsahan Pebrero 19, 2026 nga adunay girekomendang piyansa nga Php10,000.00.

Ang nadakpan karon anaa na sa kustodiya sa Quezon MPS alang sa hustong dokumentasyon ug disposisyon.