Mipahayag og suporta si Senate President Pro Tempore Ping Lacson sa resolusyon nga giduso sa minority block nga nag-ingon nga kon mag-isyu og warrant of arrest ang International Criminal Court (ICC), kinahanglan una kining ipaagi sa lokal nga korte.
Sumala kang Lacson, subay sa Article 3, Section 2 sa Konstitusyon, ang bisan unsang search warrant o warrant of arrest kinahanglan nga ipaubos sa hurisdiksyon sa lokal nga hukom sa dili pa ipatuman.
Gipasabot niini nga dili ang lokal nga korte ang mag-isyu sa ICC warrant, apan magpagawas kini og haom nga order aron ipatuman sa lokal nga law enforcement agencies isip pagtahod sa hudikatura sa nasod.
Samtang, magpahigayon og caucus ang tanan nga senador aron hisgutan ang nagkalain-laing isyu lakip na ang dugay nga pagkawala sa sesyon ni Senador Bato Dela Rosa.
Ang bisan unsang pag-usab sa Senate rules dili mahimong i-apply kang Dela Rosa gawas kon himuong retroactive.
Wala usab ethics complaint batok kang Dela Rosa.