Hugot nga gihimakak ni Egay Erice, House Senior Deputy Minority Leader, ang taho nga adunay paghisgot tali sa Liberal Party ug sa administrasyon ni Presidente Ferdinand “Bongbong” Marcos Jr. mahitungod sa posibleng koalisyon.
Matud ni Erice, wala’y bisan unsang pormal o dili pormal nga pakigpulong tali sa duha ka kampo, ug klaro ang baruganan sa Liberal Party batok sa maong mga espekulasyon.
Gipasiugda usab sa kongresista nga kung buhi pa si kanhi Pangulong Benigno Aquino III, dili kini motugot sa pakig-alyansa sa kasamtangang administrasyon.
Sumala niini, dili lamang kini tungod sa kasinatian sa nasud kaniadto sa panahon sa amahan sa Presidente nga si kanhi Pangulong Ferdinand Marcos Sr., apan lakip usab tungod sa gikaingong pinakadakong kaso sa pagpangawat nga nasinati sa Pilipinas.
Dugang ni Erice, nga magpabiling lig-on ang Liberal Party sa mga prinsipyo ug baruganan, ug dili kini mosulod sa bisan unsang koalisyon nga supak sa mga gituohan ug baruganan sa maayong pang-gobyerno.