Dili isalikway ni Mamamayang Liberal Party-list Rep. Leila De Lima ang posibilidad nga gustong magsilbi nga pahimangno sa mga mambabalaod sa Kamara de Representantes ang kampo ni VP Sara Duterte pinaagi sa iyang sayong deklarasyon sa pagdagan sa pagka-presidente sa 2028.
Matud ni De Lima, posibleng nga pahibalo kini sa bise presidente sa mga mambabalaod nga “maghinay-hinay” sa ilang desisyon bahin sa impeachment complaint nga gisang-at batok kaniya tungod sa posibilidad nga siya ang sunod nga presidente.
Hunahunaa usab sa mga mambabalaod nga basin magkalisod sila sa higayun nga matinuod nga mahimong presidente si VP Sara.
Gituohan ni Rep. De Lima nga magpabilin lig-on ang kadaghanan sa mga mambabalaod sa ilang baruganan, labi na kung hisgutan na ang impeachment complaint batok sa bise presidente.
Dugang pa niini, nga dili basta-basta maimpluwensyahan ang mga miyembro sa Kamara tungod lang sa deklarasyon ni VP Sara.
Gikan sa pribadong indibidwal ang mga impeachment complaint batok sa bise presidente ug dili pasagdan nga balewalaon kini.