- Advertisement -
Gibutyag sa beteranang aktres ug television host nga Boots Anson-Roa-Rodrigo, 81 anyos, nga sa sayo pa nga panahon, malinawon ug bukas na nga gihisgutan niini kauban ang bana mahitungod sa mga funeral plans.
Matud niini, ang maong panaghisgot dili tungod sa kahadlok sa kamatayon, kondili kabahin sa pag-andam ug paghatag og kahayag sa pamilya aron malikayan ang kalibog ug bug-at nga desisyon sa umaabot.
Ang bana niini, nga si Atty. Francisco “King” Rodrigo Jr., 86 anyos, kuno miuyon nga mas maayong klaro ug simple ang mga gusto niini kung moabot ang takdang panahon.
- Advertisement -
Gipasiugda ni Anson-Roa-Rodrigo, nga ang ingon nga pagplano usa ka porma sa responsableng paghigugma, pagrespeto sa kaugalingon ug pag-amuma sa kahimtang sa mga mahibilin.
- Advertisement -