Aspin, nahimong bida isip ring bearer sa usa ka kasal sa Cavite

Usa ka Irong Pinoy o “Aspin” ang nikuha sa atensyon ug kasingkasing sa mga netizens human kini nagsilbi nga ring bearer sa usa ka kasal didto sa Silang, Cavite.

Giila ang maong iro nga si “Yeye,” ang paboritong binuhi sa magtiayong Joven ug Arvie. Sa viral nga video, makita si Yeye nga garbo kaayong naglakaw sa (Ay-yel) aisle samtang nagsul-ob og nindot nga costume samtang dala ang mga singsing sa magtiayon.

Matud pa sa magtiayon, giisip nila nga pamilya si Yeye mao nga dili mahimo nga wala kini sa ilang espesyal nga adlaw. Gidayeg sa mga netizens ang maong talan-awon tungod sa pagpakita og dakong gugma ngadto sa mga “Aspin” nga angayan usab hatagan og importansya.