Gipahibalo sa Department of Transportation (DOTr) kagahapon nga gipaningkamutan na sa ahensya ang paglunsad og direktang flight tali sa Pilipinas ug Israel.
Sumala sa DOTr, ang maong plano usa ka importanteng lakang paingon sa mas sayon nga biyahe tali sa Manila ug Tel Aviv.
Kini subay sa mando ni Presidente Ferdinand “Bongbong” Marcos Jr. nga palapdan ang international nga koneksyon sa ubang kanasuran.Matud ni Transportation Secretary Giovanni Lopez, mahimong masugdan na ang pagtrabaho sa direktang biyahe gikan sa Israel paingon sa Pilipinas karong tuiga.
Niganti usab kini nga makig-alayon sa Philippine Ambassador sa Israel nga si Aileen Mendiola, ingon man sa Department of Foreign Affairs (DFA), ug sa uban pang mga hingtungdang ahensya sa gobyerno aron mapatuman kini nga lakang.