Naangol ang usa ka 37-anyos nga lalaki human ang iyang motorsiklo nibangga sa usa ka van nga giingong ni-counterflow sa National Highway, Purok 7, Brgy. Batangan, kaniadtong Pebrero 12, alas 4:40 sa kadlawon.
Ang biktima kasamtangang anaa karon balay tambalanan aron sa pagpaalim sa mga samad nga naangkon.
Sumala sa inisyal nga imbestigasyon sa Valencia City Police Station ug CTTMD, ang van nga gimaneho sa usa ka 65-anyos nga lalaki gikan sa shoulder sa dalan ug mosulod na unta sa counterflow nga direksyon.
Sa pag-abot niini sa outer lane, aksidenteng nibangga ang motor nga gikan sa Valencia City padulong sa Brgy. Sinayawan.
Gibutyag sa mga otoridad nga nanimaho og ilimnong makahubog ang drayber sa motor, hinungdan nga gituohang nakainom kini samtang nagmaneho.Kasamtangan, ang drayber sa van ug ang duha ka sakyanan anaa na sa kustodiya sa kapulisan alang sa saktong disposisyon.