Mikabat na sa 64,360 ka pamilya ang naapektuhan sa c, nga adunay international name nga Penha, ug usa na lang ka low pressure area (LPA) ang nabilin.
Sumala sa pinakabag-ong ulat sa National Disaster Risk Reduction and Management Council (NDRRMC), 232,550 ka pamilya ang naapektuhan sa tibuok 517 ka barangay sa Region 6 (Western Visayas), Negros Island Region, Region 7 (Central Visayas), ug Caraga.
Sa pagkakaron, 16,528 ka pamilya ang temporarayong nagpuyo sa 480 ka evacuation centers, samtang 4,489 ka pamilya gihapon ang gihatagan og ayuda bisan naa sa gawas sa evacuation centers.
Gipasabot sa Office of Civil Defense nga ang giingong mga naapektuhan nga pamilya mao ang mga napugos nga mibiya sa ilang panimalay tungod sa grabe nga panahon, apil na ang mga nagpabilin sa ilang balay apan naapektuhan gihapon ug dili na kinahanglan ibalhin.
Samtang, 82 ka pantalan sa Mimaropa, Region 6, Negros Island Region, ug Caraga ang napugos sa pagsuspinde sa operasyon.
Tungod niini, 4,447 ka pasahero, 1,481 ka rolling cargoes, 111 ka barko, ug 20 ka motorbanca ang na-stranded.
Padayon ang monitoring sa mga awtoridad samtang nagpadayon usab ang paghatag og tabang sa mga apektadong lugar.