DPWH, gidasig usbon ang drainage system sa Valencia City tungod sa balik-balik nga pagbaha

Gidasig ni June Rivalero, hepe sa City Disaster Risk Reduction and Management Office (CDRRMO), ang Department of Public Works and Highways nga usbon ang disenyo sa drainage system sa Valencia City niining semanaha, tungod kay gagmay ang mga kanal nga dali mo-awas bisan sa hinay ug kusog nga ulan, hinungdan sa balik-balik nga pagbaha nga nakabalda sa trapiko ug panginabuhi sa mga residente.

Matod ni Rivalero, base sa ilang obserbasyon human sa mga bag-ong insidente sa baha, kulang sa kapasidad ang mga kanal ilabi na sa highway, maong dali mapuno ug mo-awas ang tubig.

Naglaum ang lokal nga kagamhanan nga pinaagi sa pagrepaso ug pag-usab sa disenyo sa kanal, maminusan ang baha ug masiguro ang kaluwasan ug kahapsay sa komunidad.