Eala ug Tjen napakyas sa pagsulod sa finals sa Abu Dhabi Open

Napakyas sa pagsulod sa finals sa Abu Dhabi Open ang Pinay tennis star nga si Alex Eala ug ang Indonesian nga si Janice Tjen.

Napildi ang duha sa kombinasyon nila Tereza Mihalikova sa Slovakia ug Olivia Nicholls sa Great Britain sa score nga 6-4, 6-2 sa semifinals round.

Naningkamot pa si Eala ug Tjen nga makaapas sa puntos sa duwa nga milungtad og usa ka oras ug 16 ka minuto.

Sa second set, niapas sila gikan sa 0-3 nga labaw, apan wala gihapon sila nakapugong hangtod nahuman ang duwa pabor nila Mihalikova ug Nicholls.

Kahinumduman nga sayo usab natapos ang kampanya ni Eala sa women’s singles human siya mapildi sa quarterfinals batok kang Ekaterina Alexandrova.