Nakatakdang makigsangka si Pinay tennis star Alex Eala karong adlawa, Pebrero 6, 2026, sa doubles semifinals sa Mubadala Abu Dhabi Open, WTA 500, kauban ang ka tandem nga si Janice Tjen sa Indonesia.
Ang duo nga gitawag og “SEAsters” nga makigsangka batok sa fourth-seeded pair nga sila Tereza Mihalíková sa Slovakia ug Olivia Nicholls sa Great Britain.
Ang dula gibanabana nga magsugod alas 8:00 sa gabii sa Coordinated Universal Time o alas 4:00 sa kaadlawon, Pebrero 7 sa oras sa Pilipinas.
Kini ipahigayon sa Stadium Court sa Zayed Sports City International Tennis Centre sa Abu Dhabi.
Sa kasamtangan, nagpadayon ang maayong kampanya ni Eala human kini misaka sa career-high world ranking nga No. 45 kaniadtong Pebrero 2, 2026, sunod sa quarterfinal finish sa Philippine Women’s Open.