Importation ban sa karneng baboy gikan South Korea, gitangtang na

Gilibkas na sa Department of Agriculture (DA) ang temporary ban sa pag-import sa processed pork products gikan sa South Korea.

Kahinumdumang gipatuman ang maong temporary import ban niadtong 2019 ilawom sa DA Memorandum Order No. 26 aron proteksiyonan ang local livestock sa ASF gumikan sa outbreaks sa laing nasud.

Gani, subling gikinonsidera sa ahensya ang desisyon human sa resulta sa ulahing Import Risk Analysis (IRA) niadtong April 8 diin migawas nga ang sterilized pork products gikan sa South Korea nga gikatakdang i-export pasado sa World Organisation for Animal Health ug giila isip “safe commodity.

Gumikan niini,gitugtan na subli sa pag-import ang nasud og sterilized pork products gikan sa South Korea alayon sa regulasyon sa Pilipinas.