127 Ka Linog Natala sa Bulkang Bulusan Human sa Phreatic Eruption

Miabot sa kinatibuk-ang 127 ka low-magnitude nga linog ang natala sa Bulkang Bulusan sa lalawigan sa Sorsogon sa tibuok milabay’ng gabii.Kini nahitabo human sa pagrekord sa usa ka phreatic o steam-driven eruption sa miaging buwan.

Sumala sa Philippine Institute of Volcanology and Seismology (PHIVOLCS), nagpabilin gihapon sa Alert Level 1 ang maong bulkan. Sa samang gabii, ang bulkan nagabuga ug 809 ka tonelada nga sulfur dioxide kada adlaw.Nagpagula usab kini og plume nga gibanabana nga misaka hangtod 150 ka metros samtang padayon nga gahubag ang crater sa bulkan.

Tungod niini, padayon ang pahimangno sa ahensya nga hugot nga ginadili ang pagsulod sa four-kilometer permanent danger zone ug ang paglupad sa mga abyon duol sa bulkan.