Giduso ni konsehal Rendon Sanggalang sa konseho nga himuong duha ka bahin ang Barangay Casisang, nga pagatawagong Upper Casisang ug Lower Casisang.
Kini nga lakang kabahin sa tinguha sa konseho nga mapalambo ang barangay pinaagi sa mas hapsay ug episyenteng pagdumala sa mga serbisyo publiko ug programa sa komunidad.
Gilauman nga pinaagi sa pagbahin sa barangay, mas dali matutukan ang mga panginahanglan sa residente sama sa kalsada, suplay sa tubig, edukasyon, ug seguridad.
Ang plano usab naglakip sa paghatag og mas klaro nga representasyon sa populasyon sa lokal nga pagamhanan aron mas epektibo ang pagplano ug implementasyon sa mga proyekto.
Giuyunon usab kini sa pipila ka residente gumikan nakita usab sa katawhan nga dako ang area sa maong barangay ug dili kini kaya dumalaan sa usa lamang ka kapitan.