Sen. Risa Hontiveros gibatikos ang Chinese Embassy tungod sa paghulga sa mga opisyal sa Pilipinas

Gibatikos ni Senator Risa Hontiveros ang Chinese Embassy tungod sa paggamit niini sa ilang internet page aron hulgaon ug atakehon ang mga opisyal ug mambabalaod sa Pilipinas.

Matod pa ni Hontiveros, ang mga pahayag sa China usa ka “coordinated attacks” nga tumong nga bulagon ang katawhang Pilipino ug ang kasundalohan, aron ipahinay ang posisyon sa nasod sa West Philippine Sea.

Gipasabot usab sa senadora nga walay katungod ang bisan unsang langyaw nga representante nga manghilabot o manghulga sa mga opisyal sa Pilipinas, labi na sa mga isyu sa nasudnong soberanya.

Misuporta kang Hontiveros si Senator Raffy Tulfo, nga miingon nga kung dili motahod ang Chinese Embassy sa demokrasya sa Pilipinas, gawasnon silang mohawa sa nasod.