Nagpadayon ang PNP sa pagpangita sa tycoon nga si Charlie “Atong” Ang, nga konektado sa kaso sa mga nangawalang sabungero, ug giila na karon nga usa sa most wanted sa Pilipinas.
Sumala kang Police Colonel John Guiagui, direktor sa CIDG sa National Capital Region, gisubay sa mga awtoridad ang mga posibleng tinaguan ni Ang sa Mandaluyong, Pasig, ug usa ka penthouse sa Quezon City apan wala siya nakaplagan.
Gituohan sa pulisya nga giandam ni Ang ang iyang pagtago.
Aduna usab mga taho nga posible nga mibyahe na siya pa-Cambodia, apan wala pa’y kumpirmadong impormasyon bahin niini.
Giisip si Ang nga armed and dangerous, diin giinsistrer sa pulisya nga magpadayon ang ilang operasyon ug dili sila magpasagad.
Ang PNP adunay mga target nga lugar nga wala pa gi-pahibalo sa publiko aron dili maapektuhan ang operasyon.
Sa pagkakaron, gipalig-on ang pagbantay sa tanan nga posibleng ruta sa paggawas ug pagsulod ni Atong Ang aron masiguro nga madakpan siya.