Nanawagan si Palace Press Officer ug Undersecretary Claire Castro nga respituhon ug dili himuong binuang ang isyu mahitungod sa kahimsog sa Presidente.
Kini may kalabotan sa pahayag ni Senador Imee Marcos nga miingon nga daw “uncared” si Presidente Ferdinand Marcos Jr..
Sumala ni Usec. Castro, dili angay nga himuong kataw-anan ang paghatag og tambag mahitungod sa kahimtang sa usa ka tawo nga adunay naagian nga sakit.
Matod pa ni Castro, ang gikinahanglan sa Presidente ug sa tanang tawo nga adunay balatian mao ang tinud-anay nga pagtagad ug tinuod nga pag-alima, dili ang pagpakakomedyante atubangan sa publiko.
Gipunting usab ni Castro nga dili angay magpakaplastik o gamiton ang isyu sa kahimsog aron lamang makakuha og simpatiya sa kadaghanan, ug iyang gihangyo ang tanan nga mahimong responsable ug makatao sa ilang mga pahayag.