Gipamatud-an sa dakbayan sa Malaybalay, nga ang kompetitibo ug transparent nga bidding sa mga infrastructure projects ug palaliton dili lang makapugong sa korapsyon, apan makahatag usab og dako nga tigom alang sa katawhan.
Sumala ni Malaybalay city mayor attorney Jay Warren Pabillaran, nakatigom ang lokal nga kagamhanan sa dakbayan og P361.87 milyon sukad 2022 pinaagi sa transparent nga public bidding.
Gipasigarbo ang live-streamed nga sesyon sa Bids and Awards Committee kon (BAC) matag Miyerkules nga nakapahimo sa procurement sa mga proyekto, kagamitan ug serbisyo sa tinuod nga kompetitibo ug naghatag og opsyon nga pinansyal nga paborable.
Gi-establisar ni Pabillaran ang live-streamed biddings pagkahuman siya midaug sa sa bugnong lugaynon niadtong Hulyo 2022 aron mahibalik ang pagsalig sa publiko ug masayran sa katawhan ang procurement sa real time.
Dugang pa niini, ang tinuod nga kompetisyon tali sa mga bidder nakapamenos sa gasto nga wala nakompromiso ang kalidad sa proyekto.