Gipang-oktaba sa managlahing dibisyon sa Sandiganbayan ang nakatakda unta nga arraignment ug pre-trial ni kanhi Senador Ramon “Bong” Revilla Jr. ug uban pang mga opisyal may kalabutan sa mga kasong graft ug malversation.
Sa gipahigayon nga hearing kagahapon gidesisyonan sa ikatulo ug ika-upat nga dibisyon sa korte nga i-reset ang pagbasa sa human ang kampo sa mga akusado niduso og sunod-sunod nga mga mosyon.
Lakip sa mga akusado sa maong kaso ang pipila ka kanhi engineers sa Department of Public Works and Highways (DPWH) nga silang Brice Hernandez, JP Mendoza, RJ Dumasig, Juanito Mendoza, Emelita Capistrano ug Christina Pineda.Sumala sa report, moabot sa pito ka mga mosyon ang gifile sa kampo ni Revilla, lakip na ang Motion for Reinvestigation, Motion to Quash Arrest Warrant ug Motion to Consolidate.
Tungod niini, gihatagan sa mga mahistrado og higayon ang prosekusyon sa pagsumite sa ilang komento o tubag sa maong mga hangyo.
Gipasabot ni Atty. Rogelio Anthony Balisi, abogado ni Revilla, nga usa sa mga rason sa ilang pag-atras gumikan wala pa nila nadawat ang kompleto ug orihinal nga kopya sa reklamo sa malversation.
Gitumbok sa depensa nga katungod sa ilang kliyente ang “due process” sa dili pa mapadayon ang husay.Tungod sa maong kalamboan, gibalhin sa Sandiganbayan ang schedule sa arraignment ngadto sa Pebrero 9, 2026, sa alas-8:30 sa buntag