Gipaniguro ni Lanao del Sur 1st District Rep. Zia Alonto Adiong nga ang Kamara de Representantes magpabiling mosunod sa saktong proseso ug mga palisiya sa Konstitusyon sa pag-atubang sa mga impeachment complaint.
Kini nga pamahayag gihimo taliwala sa mga hungihong ug pagduso sa reklamo batok sa mga taas nga opisyal sa nasod. Sumala kang Adiong, dili angay gamiton ang impeachment isip political tool base lamang sa mga hungihong o walay lig-on nga basihan.
Gidugang pa niya nga ang matag reklamo kinahanglan moagi og mabinantayon nga pagrepaso aron masiguro ang due process ug mapanalipdan ang integridad sa Kongreso. Bisan pa sa mga isyu sa impeachment, matod niya, magpabiling nakatutok ang Kamara sa paghimo og mga balaod ug pagserbisyo sa katawhan.