Nanawagan si Senador Bam Aquino og mas bug-at nga silot batok sa mga indibidwal ug mga pribadong tunghaan nga nagpahigayon og pagpanglimbong sa pundo sa kagamhanan ilalum sa Senior High School (SHS) voucher program.
Sa gihimo nga pagdungog sa Senate Committee on Basic Education, gibutyag sa senador nga dili igo ang kasamtangang mga balaod sama sa syndicated estafa o falsification of documents aron matubag ang kabug-aton sa pagpangawat sa pundo nga gitagana unta para sa edukasyon sa mga kabataan.Matud ni Sen. Aquino, kinsa maoy nangulo sa maong komite.
Tungod niini, iyang girekomenda nga ilakip sa committee report ang mas taas nga multa ug silot aron magsilbing warning sa mga nagplano nga abusuhon ang sistema.
Ang maong lakang gihimo human migawas ang mga report bahin sa “ghost students” o mga peke nga mga estudyante nga gigamit sa pipila ka pribadong eskwelahan aron makakuha og pundo gikan sa Department of Education (DepEd).
Gilauman sa senador nga suportahan sa iyang mga kauban sa Senado ang maong sugyot balaodnon aron maseguro nga ang pundo sa voucher program mapadulong lamang sa mga lehitimong estudyante nga nanginahanglan gayud og tabang.