Magpadayon karong adlawa ang imbestigasyon sa Senado kalabot sa kontrobersyal nga “flood control mess” o ang giingong anomaliya sa flood control projects sa nasod.
Gilauman nga tutokan sa mga senador ang pagpangita og tubag sa bilyon-bilyon nga pundo nga wala’y klarong resulta. Gikumpirma sa Bureau of Immigration (BI) nga mibalik na sa Pilipinas si Manuel Bonoan, ang kanhi Secretary sa Department of Public Works and Highways (DPWH) kinsa nalambigit sa maong eskandalo.
Niabot si Bonoan sa Ninoy Aquino International Airport (NAIA) kagapong adlawa, Domingo, Enero 18, sakay sa China Airlines gikan sa Taipei, Taiwan.
Sumala sa impormasyon, nag-inusara kining migawas sa ayroplano. Gipaabot karon sa publiko kon motambong ba ang kalihim sa gikatakdang pagdungog sa Senado aron atubangon ang mga pasangil sa “flood control scandal.