Nakatakda nang ipasa para sa resolusyon sa sunod nga semana ang pipila ka mga kaso nga may kalabutan sa mga maanomalyang flood control projects.
Sumala ni Prosecutor General Richard Fadullon ang mga kaso nga ipasa sa Department of Justice (DOJ) naglakip sa mga reklamo batok sa SYMS Construction ug Topnotch Catalyst Builders Incorporated.
Kini nga mga reklamo unang gipasaka niadtong unang bahin sa Disyembre 2025.Gihatagan og katin-awan ni Fadullon nga ang ubang mga kaso wala pa malakip sa resolusyon tungod sa managlahing petsa sa pagpasaka niini.
Matud pa Prosecutor General nga dili sila magdali sa pagpasaka og kaso base lang sa dagkong kantidad nga gihisgutan sa Kongreso. Tumong nila nga maseguro nga lig-on ang ebidensya aron dili kini mabasura sa korte.