Giklaro ni Senate President Pro Tempore Panfilo “Ping” Lacson nga walay basehan ang dugay nga pagkawala ni Senador Ronald “Bato” dela Rosa sa Senado tungod kay wala pa’y opisyal nga warrant of arrest gikan sa International Criminal Court (ICC).
Matod niya, kon siya pa ang anaa sa posisyon ni Dela Rosa, mobalik siya sa trabaho tungod kay sayang ang boto sa senador sa mga balaodnon ug resolusyon.
Giangkon usab ni Lacson nga wala siya’y moral ascendancy nga mandoan si Dela Rosa nga mosurender, tungod kay siya mismo nagtago kaniadto sa dihang nalambigit sa Dacer-Corbito murder case.
Dugay nang wala mopakita si Dela Rosa sa Senado human sa mga balita bahin sa iyang posibleng pagkasikop may kalabotan sa kampanya batok droga sa administrasyong Duterte.