Pormal nang nagpasaka og kasong cyberlibel si Batangas Representative Leandro Leviste batok kang Presidential Communications Office (PCO) Undersecretary Claire Castro tungod sa giingong pagpakatap og fake news ug makadaot nga pamahayag batok sa iyang solar business.
Matod sa kampo ni Leviste, ang mga pahayag ni Castro nakaguba sa iyang dungog ug sa integridad sa iyang negosyo, hinungdan nga napugos siyang mudangop sa legal nga aksyon. Gipanghimakak usab sa kongresista ang mga pasangil batok kaniya.
Samtang sa opisyal na pahayag ni Undersecretary Claire Castro sa maong reklamo nga wala pa siya makadawat og kopya sa reklamo ug gibase ra niya ang iyang mga pamahayag sa giangkon mismo ni Leviste ug sa giingong impormasyon gikan kang Ombudsman Remulla.
Matod pa niya, ang kaso usa ka pamaagi aron pahilomon siya, ug mas angay tutukan ni Leviste ang mga isyu batok sa Solar PH ug ang multang gipataw sa Department of Energy.