Misamot ang tensyon tali nila ni Senate President Pro Tempore Panfilo Lacson ug Senador Imee Marcos human ang sunod-sunod nga pagbinayloay og mahait nga pulong kabahin sa gidudahang pork barrel sa 2026 budget ug ang imbestigasyon sa flood control projects.
Gihimakak ni Lacson ang mga baseless insults ni Marcos batok kaniya ug sa Senate Blue Ribbon Committee. Sa usa ka pamahayag, gipahimangnoan ni Lacson ang senadora nga walay “peke” sa iyang pagkatawo ug dili siya bayot, sukwahi sa mga pasumbingay ni Marcos.
Gihagit usab ni Lacson si Marcos nga mutambong sa hearing sa Lunes ug ipresentar ang iyang mga ebidensya batok kang Kanhi House Speaker Martin Romualdez imbes nga magsige og yawyaw sa media.Sa iyang depensa, giingon ni Marcos nga wala kini hatagi og higayon nga makasulti og maayo sa miaging hearing.
Gikatakdang ipadayon sa Senate Blue Ribbon Committee ang imbestigasyon sa Lunes diin gipatawag si DPWH Secretary Manuel Bonoan aron hisgutan ang mga discrepancy sa report sa flood control projects.