Mogasto ang Estados Unidos og $115 milyon alang sa counter-drone technologies aron masiguro ang kaluwasan sa FIFA World Cup ug sa pagselebrar sa ika-250 ka tuig sa American independence.
Sumala sa Department of Homeland Security, gipadali na nila ang pagpalit ug pagdeploy sa mga drone ug counter-drone technologies alang sa maong mga kalihokan.
Matod pa ni Homeland Security Secretary Kristi Noem, nanguna ang US kon hisgutan ang drone technology.
Gumikan nga adunay ilegal nga pagpalupad sa drones sa US nga walay permit, siguruhon sa gobyerno nga dali dayong mahunong ang mga drone nga mahimong hulga sa seguridad.
Ang FIFA World Cup ipahigayun gikan Hunyo 11 hangtod Hulyo 19, diin ang Estados Unidos, Canada ug Mexico ang mag-host sa maong torneyo.